یو شمېر کسانو ته لارښوونه وشوه چې د ځمکې اسناد ترلاسه کړي
۱۴۴۵/۱۰/۲۹
د کور او ښار جوړولو وزارت محترم سرپرست وزیر شیخ حمدالله نعماني، په خپل کاري دفتر کې له ولسي وګړو سره وکتل او په ځینو اړوندومسایلو یې خبرې وکړې.
لومړی، کابل کې د خیرخانې لومړۍ برخې ګولای سیمې اوسېدونکو په یاده سیمه کې د خپلو هستوګنځیو او اپارتمانونو د ملکیت او شته ستونزو په اړه معلومات شریک کړل.
دغه خلکو غوښتنه درلوده چې څنګه کولای شي د خپلو اپارتمانونو په اړه د ملکیت سندونه ترلاسه کړي او په راتلونکي کې له ستونزو سره مخامخ نه شی.
د کور او ښار جوړولو وزارت محترم سرپرست وزیر شیخ حمدالله نعماني راغلو کسانو ته د خپلو اپارتمانونو د ملکیت سندونو د ترلاسه کولو په موخه لازمې لارښوونې وکړې او هغه ادرس یې ورپه ګوته کړ، چې له مخې یې دوی کولای شي د ملکیت سند ترلاسه او بیا د شرعي قبالې غوښتنې لپاره محاکمو ته وړاندیز وکړي.
