لغمان ولایت کې د یو چک ډېم له ودانیزو چارو څارنه وشوه
۱۴۴۵/۱۰/۲۶
لغمان ولایت کې د کور او ښار جوړولو ریاست محترم رئیس مولوي حسین تېلوي وایي، د دې ریاست تخنیکي ټیم د نورو اړوندو ادارو د استازو په شتون کې د مصطفی خېلو د کلي د چک ډېم له ودانیزو چارو څارنه وکړه.
د ښاغلي تېلوي په خبره، یاد چک ډېم د لغمان الیشنګ ولسوالۍ په مصطفی خېلو کې موقعیت لري، چې دمګړۍ د دغه چک ډېم په بنسټ کې د انګاف چارې روانې دي او له چارو یې د کیفیت او معیار خوندیتوب په موخه دقیقه څارنه وشوه.
د کور او ښارجوړولو وزارت په ټول هېواد کې د ملي پروژو له چارو څارنه کوي، تر څو یې چاري په مسلکي او معیاري بڼه برابرې ترسره شي.
