د ښاري نقشو د ویزه کولو کمېسیون پنځه دېرشمه ناسته وکړه
۱۴۴۵/۹/۹
د کور او ښار جوړولو وزارت د ښاري چارو محترم مرستیال شیخ مدار علي کریمي بامیاني په مشرۍ د ښاري نقشو د ویزه کولو کمیسیون خپله پنځه دېرشمه ناسته وکړه او پر یو ویشت بېلابېلو موضوعاتو یې بحث وکړ.
په ناسته کې، د یو هېوادوال پر غوښتنه بحث وشو چې غواړي د خپل هستوګنیز منزل پر سر دوه نورو اضافي منزلونه جوړ کړي.
د کمېسون غړو یادونه وکړه، چې یاد تعمیر د نورو پوړونو د جوړولو جوګه نه دی، نو ځکه یې غوښتنه هم رد شوه.
په همدغه ناسته کې بیا، د یو بل هېوادوال د څلور منزله تعمیر د جوړولو د ساحې سکیچ تائید شو.
دغه راز، ځینې هغه ځایونه چې په اسنادو کې یې نیمګړتیاوې وې، د اسنادو تر بشپړولو وروسته به پرې په نورو ناستو کې بحث وشي.د ناستې په دوام، په بېلا بېلو ولایتونو کې د تېلو د پمپ سټېشنونو د جوړولو ټول اسنادونه وڅېړل شول، کوم هغه چې اسناد یې بشپړ و، د رغولو اجازه ورکړل شوه او پاتې نور چې نیمګړتیاوې یې درلودې د هغې په اړه به هم د اسنادو تر پوره کولو وروسته په راتلونکو ناستو کې پرېکړه وشي.
