هلمند ولایت کې د صنعتي پارک توپوګرافي سروې ترسره شوه
۱۴۴۵/۰۸/۰۶
هلمند ولایت کې د کور او ښار جوړولو محترم رئیس مولوي نېک محمد معتصم وایي، د ریاست اړوند تخنیکي تیم یې د دغه ولایت په نهر سراج ولسوالۍ دو راهي سیمه کې د صنعتي پارک توپوګرافي سروې ترسره کړه
مولوي نېک محمد معتصم وایي، تخنیکي ټیم یې د هلمند ولایت محترم مقام په لارښوونه او د هلمند ولایت د صنعت او سوداګرۍ ریاست په غوښتنه یاده سروې ترسره کړه.
ټاکل شوې چې د هلمند په نهر سراج ولسوالۍ دوراهي سیمه کې په (۲۰۰۰) دوه زره جریبه ځمکه کې مجهز او منظم صنعتي پارک جوړ شي.
هلمند کې د کور او ښار جوړولو محترم رئیس مولوي نېک محمد وایي، له توپو ګرافي سروې وروسته به د یاد پارک لپاره تفصیلي پلان جوړ شي، او د بیخ بنایي چارو سربېره به یې چاپېریالي دېوال په لنډ وخت کې پیل شي.
د معلوماتو له مخې، دغه پروژه په سویل لوېدیځ کې یوه ستره او ارزښت لرونکې پروژه ده،چې د پانګوالو، صنعت کارانو او سوداګرو لپاره یو ښه فرصت دی.
دغه چاره به له دولتي ځمکې څخه د اغېزمنې او ګټورې استفادې زمینه هم برابره کړي، پانګوال، صنعت کاران او سوداګر به تشویق شي، خلکو ته به د کسب او کار کولو زمینه برابره شي او ورسره به ملي عواید لوړ شي.
