د ګرشک ولسوالۍ د عمومي سړک د بیا رغونې چارې وڅارل شوې
۱۴۴۵/۷/۲۰
د هلمند ولایت د کور او ښار جوړولو محترم رئیس مولوي سید نیک محمد وايي، چې د کور او ښار جوړولو ریاست تخنیکي ټیم د ګرشک ولسوالۍ د عمومي سړک د بیا رغونې له چارو څارنه وکړه.
نوموړي زیاته کړه، چې د ګرشک ولسوالۍ د عمومي سړک پلچکونه او د سړک تخریب شوې ساحې بیرته رغول کیږي، چې د دوی تخنیکي او انجنیري ټیم د دې کارونو له کیفیت څخه څارنه وکړه.
په دې څارنه کې قراردادي شرکت مسؤلینو ته سپارښتنه وشوه، تر څو د دې پروژې چارې د شرطپاڼې مطابق د انجنیري اصولو سره برابر مخته یوسي.
د کور او ښار جوړولو وزارت مرکزي او ولایتي انجینران د دولتي پروژو له چارو څارنه کوي، تر څو کارونه په معیار برابر او په ښه کیفیت سره تر سره شي.
