هلمند کې د یو مارکېټ له رغنیزو چارو څارنه وشوه

۱۴۴۵/۰۶/۱۹

د هلمند ولایت د کور او ښار جوړولو رئیس مولوي نېک محمد وایي، د انجنیرانو مسلکي ټیم یې په دغه ولایت کې د بُست تصدۍ د مارکېټ له رغنیزو چارو څارنه وکړه.

ښاغلی مولوي نېک محمد وایي، له څارنې یې موخه دا وه، چې څنګه کېدای شي د یاد مارکېټ رغنیزې چارې معیاري او باکیفیته پر مخ ولاړې شي او په راتلونکي کې له کوم جدي ګواښ سره مخامخ نه شي.

د نوموړي په خبره، اوسمهال د یاد مارکېټ رغنیزې چارې دوام لري او سیخ بندي یې کېږي.

دغه راز په هلمند کې د کور او ښار جوړولو ریاست د انجنیرانو له لوري د یاد مارکېټ جوړولو شرکت او د مارکېټ مسؤل انجنیر ته د نقشې مطابق لارښوونې شوي دي.

د کور او ښار جوړولو وزارت د کیفیت او معیار خوندیتوب په موخه له رغنیزو چارو څارنه کوي او خپلو هېوادوالو ته ډاډ ورکوي چې دغه چاره د انجنیرۍ اصولو سره سم په مسلکي توګه ترسره کېږي.

_____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/profile.php?id=100087195086592

نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.