د بدخشان ولایت د تګاب ولسوالۍ په کتو کلي کې د مسجد شریف د جوړیدوچارې پیل شوې
۱۴۴۷/۱۰/۱۹
د بدخشان ولایت، د تګاب ولسوالۍ په کتو کلي کې د مسجد شریف د ودانیزې پروژې رسمي پرانسته ترسره شوه.
دغه مراسم د ولایت د ارشاد، حج او اوقافو د مساجد آمریت له مسؤلینو، د کور او ښار جوړولو ریاست انجنیرانو، او د کلي د مشرانو او د قراردادي شرکت استازو په حضور کې ترسره شول.
د دې مسجد شریف مالي لګښت د حج او اوقافو وزارت پر غاړه دی. ودانۍ به په ۲۹۰ مترمربع ځمکه کې په دوه پوړونو کې جوړیږي، چې د لمونځ کوونکو لپاره د اودسونو منظم ځای او تشنابونه پکې شامل دي.
ټاکل شوې ده چې پروژه د یولس میاشتو او پنځه ویشت ورځو په موده کې بشپړه شي او د دې پراخوالي له مخې به شاوخوا ۳۵۰ تر ۴۰۰ لمونځ کوونکي په یوه وخت کې په دې مسجد کې لمونځ وکړي.
