په لوګر ولایت کې له یو میلیون افغانیو زیات عواید راټول شول
۱۴۴۳/۰۹/۲۲
د ښار جوړولو او ځمکو وزارت د لوګر ریاست د ۱۴۰۰ لمریز کال د وروستۍ ربعې عواید یو میلیون، یو سل او نهه زره او نهه سوه اووه افغانۍ (۱۱۰۹۹۰۷) شوي دي.
دغه اندازه عواید په لوګر ولایت کې د انجنیرۍ خدماتو او د دولتي ځمکو او ملکیتونو د اجارې او کرایې له ورکړې په لاس راغلي دي.
تر دې وړاندې هم یاد ریاست د انجنیرۍ خدماتو او د ځمکو او ملکیتونو د کرایې له درکه څلور میلیونه افغانۍ عواید راټول کړي وو.
د ښار جوړولو او ځمکو وزارت له انجینري خدماتو، دولتي ځمکو او ملکیتونو او نورو خدماتو له درکه راټولېدونکي عواید په شفاف ډول راجمع کوي او د ټولګټو پروژو د پلې کولو لپاره زمینه برابروي.
