په زابل ولایت کې د ودانیزو چارو له فعالیت څارنه وشوه
۱۴۰۰/۱۲/۲۵
د ښار جوړولو او ځمکو وزارت انجنیرانو د زابل په مرکز قلات کې د یو باب ښوونځي، په شهرصفا ولسوالۍ کې له استنادي دېوالونو او په نوبهار ولسوالۍ کې د یو باب روغتیایي کلینیک له ودانیزو او ساختماني چارو څارنه او نظارت وکړ.
موخه دا ده چې باید ټولې چارې با کیفیته ترسره شي او له هر ډول درغلۍ مخنیوی وشي.
د ښار جوړولو او ځمکو وزارت د ښوونیزو پروژو د ودانیزو چارو بهیر چټک کړی ، د دولتي پراختیایي پروژو پلې کولو ته ژمن دی او هېوادوالو ته یې په بېلا بېلو برخو کې د خدماتو وړاندې کولو کچه لوړه کړې ده.
دغه راز یاد وزارت هڅې پیل کړي چې خلکو ته د هوسا ژوند زمینه برابره کړي.
