د پیروزي ښارګوټي پروژه به ډېر ژر ګټې اخیستنې ته وسپارل شي

د ښار جوړولو او ځمکو وزارت سرپرست ښاغلي مولوي حمد الله نعماني په کابل کې د پېروزي ښارګوټي په اړه هر اړخیزه ارزونه وکړه.
ښاغلي مولوي حمد الله نعماني اړوند مسؤلینو ته سپارښتنه وکړه چې د یاد ښارګوټي په اړه شته ستونزې په ګوته او د حل لپاره یې لاس په کار شي.
مسؤلینو د یو پرزنټېشن په برابرولو ښاغلي وزیر صاحب ته د نوموړي ښارګوټي په اړه بشپړ مالومات ورکړل چې څنګه کېدای شي د پیروزي ښارګوټی فعال او چارې یې چټکې شي.
د پېروزي ښارګوټي پروژې چارې تر ډېره بشپړې شوي او په نږدې راتلونکي کې به یې د فعالیت چارې لا ګړندۍ شي.
د پېروزي ښارګوټي یو له سترو او مهمو پروژو ده چې په فعالېدو او ګټې اخېستو سره به یې خلکو ته د سرپناه زمینه برابره شي.
دغه راز د یاد ښارګوټي په فعالیت سره به شاوخوا ۸۰ زره کسانو ته په مستقیمه او غیر مستقیمه توګه د کار کولو زمینه برابره شي.
د پېروزي ښارګوټي په فعالیت به پانګوالو ته زمینه برابره شي چې په یاده برخه کې پانګونه وکړي.