په لوګر ولایت کې ۲۵۶۸ جریبه دولتي ځمکه د غاصبینو له منګولو ازاده شوه
د ښار جوړولو او ځمکو وزارت د لوګر ریاست له تحول او د اسلامي امارت له حاکمیت وروسته تر دې دمه شاوخوا ۲۵۶۸ جریبه دولتي ځمکه بیرته راوګرځوله.
دغه اندازه ځمکه چې ۲۰۰ جریبه یې د لوګر په ده مغلان سیمه کې، ۵۴ جریبه ځمکه یې د همدې ولایت د محمد اغې ولسوالۍ په دهو ګمران سیمه کې، ۱ اعشاریه ۵ جریبه نوره یې د محمد اغې ولسوالۍ په نیازي کلي کې، ۱۸۲۸ جریبه ځمکه د التمور سیمه کې، ۱۰ جریبه ځمکه د لوګر مرکز عمراباد سیمه کې او دغه راز ۴۷۴ جریبه نوره ځمکه بیا د لوګر په ویدخ سیمه کې د غاصبینو له منګولو ازاده او بیرته د دولت تر کنترول لاندې شوه.
د ښارجوړولو او ځمکو وزارت دولتي ځمکې له شخصي ځمکو تفکیک او جدا کوي ترڅو ښاري پراختیا او ټولګټې پروژې پلې شي او دغه برخه کې تصفیه کاري هم کوي.
