کندهار کې څه باندې ۳۵۴ زره جریبه دولتي ځمکه ثبت شوه
ښار جوړولو او ځمکو وزارت په هېواد کې د دولتي ځمکو بانک برنامې په دوام، د کندهار ولایت اړوندو سېمو په ۲۶۲ قطعو کې، ۳۵۴ زره او ۹۶۲ جریبه دولتي ځمکه او ملکیتونه ثبت کړي دي.
له دې شمېر څخه ۳۴۳۲۶۲ جریبه سپينه دولتي ځمکه او پاتې ۲۷۰۰ جریبه د دولتي ادارو تر استفادې لاندې عامه ملکیتونه دي، چې د دې ولایت په مرکز او بېلابېلو ولسوالیو کې ثبت شوي دي.
ښار جوړولو او ځمکو وزارت تر دې دمه د هېواد ۳۱ ولایتونو کې په ۶۹۳۹ قطعو کې، ۶ ملیونه ۸۱۱ زره او ۴۸۲ جریبه دولتي ځمکه او ملکیتونه د لویو پرمختیایی او اقتصادي پروژو د پلی کېدوپه موخه سروي او ثبت کړي دي.
