په کاپیسا کې څه باندې ۶۳ زره جریبه دولتي ځمکه سروې او ثبت شوه
ښار جوړواو ځمکو وزارت په هېواد کې د دولتي ځمکو بانک برنامې د پلي کېدو پر مهال د کاپيسا لایت اړوندو سيمو په ۴۶۳ قطعو کې ۶۳۳۱۴ جریبه دولتي ځمکه او ملکیتونه سروې او ثبت کړي دي.
له دې شمېر څخه ۵۸۷۵۹ جریبه سپینه دولتي ځمکه ده او پاتې ۴۵۵۵ جریبه د دولتي ادارو تر استفادې لاندې عامه ملکیتونه دي چې د دې ولایت په مرکز او ولسوالیو کې سروې او ثبت شوې دي.
ښار جوړولو او ځمکو وزارت د وروستیو درېوو کلونو په لړ کې نږدې ۶.۵ مېلیونه دولتي ځمکه او د دولت تر ولکې لاندې عامه ملکیتونه سروې او ثبت کړي دي.
