په کندز کې څه باندې ۲۳۵ جریبه دولتي ځمکه ثبت او سروې شوه
ښار جوړولو او خمکو وزارت په هېواد کې د دولتي ځمکو بانک برنامې د پلي کېدو پر مهال د کندز ولایت اړوندو سېمو ۳۱۶ قطعو کې ۲۳۵۴۷۵ جریبه دولتي ځمکه او ملکیتونه ثبت او سروې کړي دي.
له دې شمېر څخه، ۲۲۳۱۳۴ سپینه دولتي ځمکه او پاتې ۱۲۳۴۲جریبه د دولت تر استفادې لاندې عامه ملکیتونه دي چې د دې ولایت په مرکز او بیلا بیلو ولسوالیو کې ثبت شوي دي.
ښار جوړلو او ځمکو وزارت تر دې دمه د هېواد په ۲۸ ولایتونو کې ۶ مېلیونه، ۴۳۸ زره او ۳۴۹ جریبه دولتي ملکیتونه او ځمکې چې ۶۶۵۱ قطعې کېږي، سروې او ثبت کړي او دا وزارت ژمن دی چې د دې پروسې له لارې په هېواد کې د حکومت سترو پرمختیايي او اقتصادي پلانونو پلي کېدو ته زمینه برابره کړي.
