هرات کې د دوه تعلیمي پروژو رغنیزې چارې دوام لري
ښارجوړولو او ځمکو وزارت د هرات ولایت په ګذرې ولسوالۍ کې د وزیر فتح خان ۲۴ صنفي ښوونځي رغنیزې چارې ۸۴ سلنه او د هرات په مرکز څلورمه ناحیه کې د هاتفي ۱۶ صنفي ښوونځي رغنیزې چارې ۲۰ سلنه بشپړې کړي دي.
د وزیر فتح خان ۲۴ صنفي ښوونځی په ۷۰۰ متر مربع ځمکه کې په درې پوړونو د ۳۰ میلیونه او ۸۰۰ زره افغانیو په ارزښت او همداراز د هاتفي ۱۶ صنفي ښوونځی په ۷۰۰ متر مربع ځمکه کې په درې پوړونو د ۲۶ میلیونه افغانیو په ارزښت د پوهنې وزارت له پراختیايي بودیجې جوړیږي.
ښارجوړولو او ځمکو وزارت د هېواد په کچه د دولت ټولګټو، روغتیايي او تعلیمي پروژو له تطبیق سره خلکو ته د اساسي خدماتو رسولو کچه لوړه کړې او خلکو ته یې په بېلابېلو برخو کې لازمې اسانتیاوې برابرې کړي دي.
###
