غزني کې د دوه تعلیمي پروژو رغنیزې چارې دوام لري
ښارجوړولو او ځمکو وزارت د غزني ولایت د مالستان ولسوالۍ په مکنک کلي کې د شهدای جلګه پشي ښوونځي رغنیزې چارې ۱۰ سلنه او د دې ولسوالۍ د توحید بغرا ښوونځي رغنیزې چارې ۲۸ سلنه بشپړې کړې دي.
د شهدای جلګه پشي ښوونځی په ۵۵۲ متر مربع ځمکه کې په دوه پوړونو د ۱۹ میلیونه او ۲۰۰ زره افغانیو په ارزښت؛ همداراز د د توحید بغرا ښوونځی په ۷۹۵ متر مربع ځمکه کې په دوه پوړونو د ۲۷ میلیونه او ۹۰۰ زره افغانیو په ارزښت د ښارجوړولو او ځمکو وزارت له پراختیايي بودیجې جوړیږي.
ښارجوړولو او ځمکو وزارت د ملي او ټولګټو پروژو په تطبیق سره ژمن دی څو د ښاریانو او لرې پرتو سیمو خلکو په ژوند کې لازمې اسانتیاوې راولي.
###
