د دايکنډي ولايت د ګيتي ولسوالۍ اداري کمپلکس د رغولو چارې نږدې بشپړېدونکي دي
ښار جوړولو او ځمکو وزارت د ثبات تحکيم ملي برنامې له لارې د دايکنډي ولايت د ګيتي ولسوالۍ اداري کمپلکس د جوړولو چارې ۸۹ سلنه بشپړې کړي او ټاکل شوې په نږدې راتلونکي کې يې ګټې اخېستنې ته وسپاري.
دا ودانۍ په ۴۹۰ متر مربع ځمکه کې په درې پوړيز ډول چې ۱۷ کاري خونې، يو د غونډو تالار، يو پخلنځای، يو ګودام او ۹ عصري تشنابونه لري، د دولت له انکشافي بوديجې څخه په ۲۳ ميليونه افغانيو رغول کيږي.
ښار جوړولو او ځمکو وزارت د بېلابېلو ولايتونو په مرکزونو او ولسواليو کې تر اوسه ۱۲۹ اداري ودانۍ رغولي او هلته د موجودو کارکوونکو لپاره يې د کار مناسب او ارام چاپېريال زمينه برابره کړې ده.
