په کابل ښار کې د ښاري ودانیو دوامداره نظارت ترسره شو
۱۴۴۷/۰۷/۲۱
د کور او ښار جوړولو وزارت د ښاري سرغړونو د عمومي ریاست د لارښوونې له مخې، د ښاري سرغړونو د رسېدنې ریاست تخنیکي او عامه پوهاوي ټیمونو، د وزارت د محترم مقام د هدایت او د دوامدارو نظارتونو د پروګرام په چوکاټ کې، په کابل ښار کې د جوړېدو په حال کې ودانیو څخه نظارت او ارزونه ترسره کړه.
یاد نظارت د کابل ښار د څلورمې ناحیې په بېلابېلو سیمو کې، د تایمني پروژې د سرک پنج څخه تر شهید څلورلارې پورې، عملي شول، چې د نظارت پر مهال هغه پروژې چې د نافذه قوانینو، منظور شوو ښاري پلانونو او یا د ګاونډیانو د حریم د احتمالي سرغړونو نښې پکې لیدل کېدې، له نږدې وکتل شوې.
د یادو پروژو له مالکینو څخه غوښتنه وشوه، چې خپل ټول قانوني اسناد، جوازونه او رسمي مدارک د ښاري سرغړونو د رسېدنې ریاست ته وسپاري، تر څو تر دقیقې ارزونې او د ښاري پلانونو سره له تطبیق وروسته، د هر ډول تثبیت شوې سرغړونې په صورت کې قانوني اقدامات ترسره شي.
د ښاري سرغړونو پر وړاندې څارنه د ښاري نظم، د ګاونډیانو د حقونو خوندیتوب او د معیاري ودانیزو چارو د تضمین لپاره ترسره کېږي.
