غزني کې له ۱۷۰ زره جريبو زياته ځمکه سروې او ثبت شوه
ښار جوړولو او ځمکو وزارت د دولتي ځمکو د بانک برنامې له پيل راهيسې تر اوسه په غزني ولايت کې په ۸۱ قطعو کې ۱۷۲۶۷۰ جريبه دولتي ځمکه او د دولت تر استفادې لاندې عامه ملکيتونه سروې او ثبت کړي دي.
له دې ډلې په ۱۷ قطعو کې ۱۷۱۱۳۲ جريبه سپينه دولتي ځمکه او په ۶۴ قطعو کې ۱۵۳۸ جريبه دولتي املاک دي چې د ياد ولايت په مرکز او بېلابېلو ولسواليو کې موقعيت لري.
ښار جوړولو او ځمکو وزارت تر اوسه د هېواد په ۲۸ ولايتونو کې په ۶۰۹۲ قطعو کې ۵ ميلیونه ۳۹۲ زره او ۷۹۴ جريبه ځمکه او دولتي املاک سروې، ثبت او نښه کړي دي.
