تخار ولايت کې د فاتحې اخېستلو سالون ورغول شو
ښار جوړولو او ځمکو وزارت د تخار ولايت په مرکز تالقان ښار کې د بي بي فاطمې په نوم د ښځينهو لپاره د فاتحې يو سالون تر رغولو وروسته ګټې اخېستنې ته وسپاره.
دا سالون په ۴۹۰ متر مربع ځمکه کې په دوه پوړيز ډول چې يو سالون، دوه خونې، یو پخلنځای او درې تشنابونه لري، په ۹ ميلیونه ۷۲۲ زره افغانيو ورغول شو.
د تخار ولايت په مرکز کې د دې پروژې په تطبيق سره به د ولسي خلکو هغه ستونزې لهمنځه ولاړې شي چې د ښځينهو سالون د نه موجوديت له امله ورسره مخ وو.
