یو شمېر هېوادوال غواړي افغانستان کې د ښارګوټو او مسکن جوړولو برخه کې پانګونه وکړي
د ښارجوړولو او ځمکو وزارت سرپرست ښاغلي مولوي حمدالله نعماني له یو شمېر هغه هېوادوالو سره وکتل چې غواړي افغانستان کې د ښارجوړولو او مسکن برخه کې پانګونه وکړي.
راغلو کسانو کې هغه چې غواړي په هېواد کې پانګونه وکړي یادونه وکړه چې په ځینو ولایتونو کې یې په تېر حکومت کې هم په رغنیزو پروژو برخه کې کار کړی او اوس غواړي خپل کار ته دوام ورکړي.
د ښار جوړولو او ځمکو وزارت محترم سرپرست مولوي حمد الله نعماني د راغلو هېوادوالو هر اړخیزې خبرې واورېدې او ټولو ته یې په بیلا بیلو برخو کې لازمې لارښوونې وکړې.
سرپرست وزیر ښاغلي نعماني هغه هېوادوال ته چې غواړي افغانستان کې د ساختماني پروژو برخه کې پانګونه وکړي یادونه وکړه چې په راتلونکې اونۍ کې به په دې تړاو بشپړې او هر اړخیزې خبرې وکړي.
پانګوال هېوادوال زیاته کړه چې غواړي په یاده برخه کې تر شاوخوا ۴۰ میلیونه ډالرو پانګونه وکړي او د کار کیفیت برخه کې یې سرپرست وزیر ته ډاډ ورکړ.
