کندهار کې د یو کانال او سربند رغنیزې چارې زیاتې نیمګړتیاوې لري

۱۴۴۵/۰۶/۰۷

کندهار کې د کور او ښار جوړولو رئیس محترم مولوي عبدالمتین عاشق وایي، د دغه ولایت په نېش ولسوالۍ کې د کندي کلا سربند او کانال چارو ارزونه یې وکړه.

د یاد کانال او سربند د چارو ارزونه د کندهار ولایت محترم مقام د غوښتنې پر بنسټ په دقیقه توګه ترسره شوه.

د دغه کانال رغنیزو چارو ستونزې او نیمګړتیاوې درلودې چې لوړوالی یې له ۶،۲ متره څخه ۴،۵ متره نیول شوی و، چې څه کم دوه متره کموالی ښیي.

د یاد کانال او سربند چارې په خپل سرې توګه مخکې تللي، نقشه او رغنیزې چارې یې معیاري نه دي او نورې زیاتې نیمګړتیاوې شته چې د کانال او سربند چارې بې کیفیته کړي.

په کندهار ولایت کې د کور او ښار جوړولو وزارت اړوند ریاست انجنیرانو د نېش ولسوالۍ د کندي کلا سربند او کانال رغنیزې چارې نه دي تائید کړي او د ولایت محترم مقام ته یې مکتوبي اطلاع ورکړې ده.

د کور او ښار جوړولو وزارت پر رغنیزو او تعمیراتي پروژو څارنه کوي، کیفیت او معیار په پام کې نیسي او هڅې یې پیل کړي چې د هېواد په کچه ټولې پروژې معیاري او اصولي پر مخ ولاړې شي.

------------------------------------------

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/profile.php?id=100087195086592

نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.