ښارجوړولو او ځمکو وزارت د خپلو تشکیلاتو ارزونه وکړه.
د یاد وزارت سرپرست ښاغلي مولوي حمد الله نعماني د وزارت له کاري ټیم سره په ناسته کې خبرې وکړي چې څنګه کېدای شي د وزارت تشکیلات اغېزمن او چارې یې چټکې شي.
نوموړي وویل، د وزارت تشکیلات باید مناسب او داسې ترتیب شي چې په چارو کې ځنډ او خنډ رامنځته نه شي او موازې ادارې او ریاستونه هم له منځه لاړ شي.
په ادغه اداري ناسته کې د وزارت اړوند رییسانو او مسؤلینو خپل نظریات او وړاندیزونه شریک کړل چې له مخې به یې د وزارت تشکیلات برابر شي.
وزیر د چارو اغېزمنتیا او شفافیت ته په کتو ټینګار وکړ چې د دغه وزارت پر تشکیلاتو دې جدي غور وشي او له دقیقې ارزونې وروسته دې پرېکړه وشي.
د ناستې په پای کې پرېکړه وشوه چې یوه تخنیکي کمېټه دې جوړه شي، څو د وازرت اړوند تشکیلات په غور سره بررسي کړي، مشابه او غیر ضروري بستونه او ریاستونه په ګوته کړي او په راتلونکي کې دې له مشرتابه سره شریک کړي.
