ښارجوړلو او ځمکو وزیر د شبرغان ولایت دریمې ناحیې او د میمنې ښار د لومړیو او څلورمو نواحیو پرمختیایی پلان منظور کړ
ښاغلي محمود کرزي د ښارجړولو او ځمکو وزارت وزیر، د جوزجان او فاریاب ولایت استازو سره په ملي شورا کې د ښاغلي عزیز احمد ګلستاني د مسکن د چارو مرستیال په شتون سره لیدنه تر سره کړه چې په دې لیدنه کې، د جوزجان ولایت مرکز شبرغان ښار په درېمه ناحیه شینکوت او جغسای، کوهی خانه ، نذیر اباد او د فاریاب ولایت میمنې ښار مرکز لومړی او څلورمه ناحیه خواجه پایتخت سیمې پرمختیایی پلانونه منظور کړل.
په پیل کې د ښارجوړولو او ځمکو وزیر د غیري پلاني سېمو سروې او ثبت په هکله وویل، د دې سېمو د اوسېدونکو د ملکیت خوندیتوب په موخه د غیري پلاني او غیري رسمي سېمو ثبت پیل کړی دی او پرمختیایی او بیا رغونې پالسۍ پلي کېدو سره اقتصادي پرمختګ ته زمینه برابروي .
روسته له دې د ښارجوړولواو ځمکو وزیر د جوزجان ولایت مرکز شبرغان ښار په درېمه ناحیه شینکوت او جغسای، کوهی خانه ، نذیر اباد او د فاریاب ولایت میمنې ښار مرکز لومړی او څلورمه ناحیه خواجه پایتخت سېمو د بهسازۍ د پلانونو ترتیت او منظور او هیله مندي وښودله چې دا پلان د دې سېمې اوسېدونکو لپاره یو حیاتی ګام، او د دې پلان عملي کېدو سره به د دې سېمواوسېدونکو اقتصادي او ټولنیز ژوند کې ښه والی راشي.
له دې وروسته ، د جوزجان او فاریاب ولایت استازو د یاد شویو سېمو د پلانونو له منظوري د دې سېمو اوسېدونکو لپاره یو اړین او مهم ګام وباله، او د دې وزارت له همکارۍ او پاملرنې څخه یې مننه وکړه.
د یادولو وړ ده چې پرمختیایي پلانونو ترتیب څخه موخه د غیري رسمي سېمو پراختیا څخه مخنیوي، د ښاري کلتور لوړولو، د ټولنیز وضعیت ښه کېدل، کارموندنې ته زمینه برابرول، د خوندي زیربناوو جوړول او کیفیت لوړول او ښاري چوپړتیاوو وړاندې کول.
