پکتیکا کې د کرنې ریاست اړوند مسجد شریف له چارو څارنه وشوه
۱۴۴۶/۱۱/۷
پکتیکا ولایت کې د کور او ښار جوړولو ریاست محترم رئیس مولوي محمد طاهر سیف الجهاد وایي، په دغه ولایت کې یې د کرنې محترم ریاست اړوند یو باب مسجد شریف د پروژې له چارو څارنه وکړه.
ښاغلی مولوي سیف الجهاد وایي، د پکتیکا ولایت د حج او اوقافو محترم ریاست د وړاندیز او د ولایت محترم مقام د حکم پر اساس یې، استازو د کرنې محترم ریاست د مسجد شریف د خط اچولو له بهیر څارنه وکړه.
نوموړی وایي، له دغه نظارت یې موخه دا وه، چې د قبلې لوری دقیق تعین شي، د نقشه بندۍ ارزونه یې وشي او د تخنیکي اصولو رعایت یې وشي.
د نظارت په مهال د کور او ښار جوړولو ریاست محترم تخنیکي ټیم ساحه کتلې، موجوده پلانونه یې ارزولي او اړوند لوریو ته یې تخنیکي سپارښتنې کړي دي.
د کور او ښار جوړولو وزارت په ټولو پروژو کې پر دقت، د پلان مراعاتول او د منل شوې نقشې پر تطبیق ټینګار کوي.
