په کندهار کې د جهادي مدرسې د ساحې توپوګرافي سروې پیل شوه
۱۴۴۸/۳/۹
د کندهار ولایت په مرکز کې د جهادي مدرسې د ساحې د توپوګرافي سروې چارې د کور او ښار جوړولو وزارت د سروې او جي ای ایس ریاست د تخنیکي ټیم له لوري پیل شوه.
د یادې سروې موخه د ساحې د موجوده وضعیت د کره معلوماتو راټولول او د راتلونکو ساختماني چارو لپاره د اړین پلان د ترتیب زمینه برابرول دي.
د سروې په بهیر کې به د ساحې اړوند لازم تخنیکي معلومات، کچې او نور اړوند جزئیات ثبت شي، څو د راټولو شوو معلوماتو پر بنسټ د جهادي مدرسې لپاره مناسب او معیاري پلان ترتیب او د اړتیا وړ ساختماني چارې په تخنیکي اصولو ترسره شي.
