په کندهار ولایت کې د میرهزار جومات د ترمیم او مرمت چارې له ۳۰ سلنې واوښتې
ښارجوړولو او ځمکو وزارت د تاریخي آبدو د ترمیم او مرمت ملي ادارې له لارې په کندهار ښار کې د میر هزار تاریخي جومات د بیارغولو چارې ۳۸ سلنه بشپړې کړې دي.
دا تاریخي او فرهنکي ابده چې د کندهار ښار په دویمه ناحیه کې موقعیت لري، په ۷۶۷ متر مربع ځمکه کې د ۱۲میلیونه او ۶۲۷ زره افغانیو په ارزښت مرمت او بیا رغول کېږي.
ښارجوړولو او ځمکو وزارت د تاریخي آبدو د ترمیم او مرمت ملي ادارې له لارې تر دې دمه په کابل کې د پل خشتي جومات، باغ بالا ماڼۍ، د پارلمان د شهیدانو مقبره او د وزیر محمد اکبر خان تپې د ملي بیرغ څلي لومړی فاز، په فیض آباد ښار کې د خرقه مبارک جومات او د هرات جامع جومات لومړي فاز د مرمت او ترمیم چارې بشپړې کړې دي.
###
