په پکتیا ولایت کې د ګردېز ښار د تفصیلي پلان په موخه توپوګرافي سروې ترسره شوه
۱۴۴۷/۱۲/۲۱
د کور او ښار جوړولو وزارت د سروې او جي ای ایس ریاست تخنیکي او مسلکي ټیم له لوري د پکتیا ولایت د مرکز ګردېز ښار د ښاري پلان جوړونې د ستونزو د حل او د تفصیلي پلان د چمتو کولو په موخه توپوګرافي سروې ترسره شوه.
په یاده سروې کې د ښار پراخې ساحې تر پوښښ لاندې ونیول شوې، چې موخه یې د ښاري پراختیا لپاره د دقیقو تخنیکي معلوماتو راټولول او د معیاري تفصیلي پلان لپاره زمینه برابرول دي.
د کور او ښار جوړولو وزارت د سروې او جي ای ایس ریاست ټینګار کړی چې د راټولو شویو معلوماتو پر بنسټ به د ګردېز ښار لپاره د اړتیاوو او تخنیکي معیارونو مطابق تفصیلي او منظم ښاري پلان ترتیب شي.
دغه اقدام د پکتیا ولایت د مرکز ګردېز ښار د منظمې ودې، د ښاري خدماتو د ښه والي او د عصري ښاري جوړښتونو د پراختیا په برخه کې مهم ګام بلل کېږي.
