په پروان کې څه باندې ۲۱۴زره جریبه دولتي ځمکه ثبت او سروې شوي ده
د ښار جوړولو او ځمکو وزارت په هېواد کې د دولتي ځمکو د بانک برنامې د پلي کېدو پر مهال د پروان ولایت اړوندو سېمو په ۲۷۶ قطعو کې ۲۱۴۶۶۳ جریبه دولتي ځمکه او ملکیتونه سروې او ثبت کړي دي.
له دې شمېر څخه، ۱۹۷۶۴۷ جریبه سپینه دولتي ځمکه او پاتي ۱۷۰۱۶ جریبه د دولتي ادارو تر استفادې لاندې عامه ملکیتونه دي چې د دې ولایت په مرکز او بېلابېلو ولسوالیو کې ثبت او سروې شوي دي .
د ښار جوړولو او ځمکو وزارت تر دې دمه د هېواد په ۲۸ ولایتونو کې ۶ میلیونه، ۴۳۸زره او ۳۴۹ جریبه دولتي ملکیتونه او ځمکې چې ۶۶۵۱قطعې کیږي، سروې او ثبت کړي او دا وزارت ژمن دی چې د دې پروسې له لارې په هېواد کې د حکومت سترو پرمختیایي او اقتصادي پلانونو پلي کیدو ته زمینه برابره کړي.
