په پروان کې د یوې انکشافي پروژې چارې بشپړې او د معارف یوې پروژې چارې پیل شوې
ښارجوړولو او ځمکو وزارت د پروان ولایت په مرکز چاریکارو ښار کې د دې ولایت د اداري اصلاحاتو آمریت رغنیزې چارې بشپړې او ګټې اخیستنې ته یې وسپاره.
دا اداري ودانۍ په ۳۰۰ متر مربع ځمکه کې په درې پوړونو د ۱۷ میلیونه او ۸۰۰ زره افغانیو په ارښت د ښارجوړولو او ځمکو وزارت له پراختیايي بودیجې جوړه شوې ده.
یاد وزارت همداراز د دې ولایت په مرکز چاریکارو ښار کې د صیادان اته صنفي ښوونځي رغنیزې چارې هم پیل کړي دي.
دا لیسه په ۷۵۰ متر مربع ځمکه کې په دوه پوړونو د ۱۹ میلیونه او ۱۰۰ زره افغانیو په ارزښت د ښارجوړولو او ځمکو وزارت له پراختیايي بودیجې جوړیږي.
ښارجوړولو او ځمکو وزارت د ټولګټو پروژ په عملي کولو سره د هېواد په کچه سیمه اییزه حکومتولي پیاوړې کړې او همداراز خلکو ته د اساسي خدماتو وړاندې کولو کچه لوړه شوې ده.
###
