په هلمند ولایت کې د روغتیایي کلینیک له ودانیزو چارو څارنه تر سره شوه
۱۴۴۶/۷/۲۷
د هلمند ولایت د کور او ښار جوړولو ریاست محترم رئیس مولوي شمس الله ناظم وایي، د دې ریاست د تخنیکي ټیم لخوا په نهرالسراج ولسوالۍ کې د روغتیایي کلینیک له ودانیزو چارو څارنه تر سره شوه.
ښاغلي مولوي ناظم وویل، یاد روغتیایي کلینیک د نهرالسراج ولسوالۍ په یخچال سیمه کې موقعیت لري چې ودانیزې چارې یې د کور او ښار جوړولو ریاست د انجنیرانو لخوا څارل کیږي.
د کور او ښار جوړولو وزارت د ادارو په غوښتنه د پروژو له چارو څارنه کوي، تر څو پروژې په معیار او د شرطپاڼې مطابق په ټاکلي وخت کې بشپړې شي.
