په هرات ولایت کې د عامې روغتیا ریاست لپاره د سولر برېښنا د نصب لومړنی سروې ترسره شوه
۱۴۴۷/۰۵/۲۴
د هرات ولایت د کور او ښار جوړولو ریاست محترم رئیس انجنیر عبدالله اکبري وایي، د دې ریاست اړوند تخنیکي ټیم د عامې روغتیا ریاست د ودانۍ د سولر برېښنا سیستم د نصب لپاره لومړنی تخنیکي برآورد ترسره کړ.
ښاغلي انجنیر اکبري وویل، د تخنیکي ټیم د معلوماتو له مخې، دا سروې د هرات ولایت مقام د مکتوب پر اساس ترسره شوې ده، د برېښنا شبکو انجنیر د ساحې د سروې پر مهال د اړتیا وړ برېښنا مصرف، د موجوده سیستم وضعیت او د سولر سیسټم د نصب تخنیکي اړتیاوې وڅېړلې.
د یادې سروې موخه د اداري ودانیو د برېښنا ستونزو حل، د برېښنا د قطع کېدو پر مهال د کار د دوام تضمین، او د دولتي ادارو د انرژۍ د دوامدارې استفادې لپاره بدیل سرچینې برابرول دي.
