په نيمروز او غور ولايتونو کې له ۳۰۰ زرو جريبو څخه زياته دولتي ځمکه سروې او ثبت شوه
ښار جوړولو او ځمکو وزارت د دولتي ځمکو د بانک برنامې له پيل راهيسې په غور او نيمروز ولايتونو کې ۳۴۸۱۵۲ جريبه سپينه دولتي ځمکه او د دولت تر استفادې لاندې عامه ملکيتونه سروې او ثبت کړي دي.
له دې ډلې څخه ۲۳۲۲۲۱ جريبه سپينه ځمکه او دولتي املاک په نيمروز ولايت کې او ۱۱۵۹۳۱ جريبه ځمکه او دولتي املاک په غور ولايت کې موقعيت لري.
ښار جوړولو او ځمکو وزارت تر اوسه د هېواد په ۲۸ ولايتونو کې په ۵۲۹۲ قطعو کې ۴ ميلیونه ۵۶۹ زره او ۱۰۲ جريبه ځمکه او دولتي املاک سروې، نقشه او ثبت کړي دي.
