په نوي کابل ښار کې د یو مجهز روغتون د جوړښت او د جمهوریت روغتون د ترمیم پر څرنګوالي خبرې وشوې
۱۴۴۶/۴۰/۲۸
د کور او ښار جوړولو وزارت، په کور دننه د سالم او اغېزمن تشخیص او درملنې په موخه د عامې روغتیا وزارت په ملتیا او همکارۍ هڅې پیل کړي دي.
تازه، د کور او ښار جوړولو وزارت په کابل کې د عامې روغتیا وزارت، یو ترکي خصوصي شرکت او د عطاء خیریه بنسټ له استازو او مسؤلینو سره ناسته وکړه.
په دغه ناسته کې تصمیم ونیول شو، چې د جمهوریت روغتون د ترمیم چارې دې د کور او ښار جوړولو وزارت سره د شوي هوکړه لیک له مخې پر مخ ولاړې شي.
دغه راز، تصمیم ونیول شو، چې په نوي کابل ښار کې د عطاء خیریه بنست له لوري د یو مجهز او عصري روغتون جوړولو لپاره دې ځمکه تثبیت شي چې د کور او ښار جوړولو وزارت له لوري به ورته د اړوندو کسانو په وسیله سکېچ جوړ او نقشه ترتیب شي.
د کور او ښار جوړولو وزارت هڅې پیل کړي چې په هره برخه کې د هېوادوالو خیالونه په حقیقت بدل کړي او ګټور خدمات ترسره شي.
