په ننګرهار کې د وړاندیز شوو استوګنیزو ساحو د دویمې برخې توپوګرافي سروې پیل شوه
۱۴۴۸/۲/۲۷
د کور او ښار جوړولو وزارت د سروې او جي ای ایس ریاست اړوند تخنیکي ټیم، د ننګرهار ولایت د مرکز اړوند د وړاندیز شوو استوګنیزو ساحو د دویمې برخې توپوګرافي سروې چارې پیل کړې.
د یادې سروې موخه د اړوندو ساحو دقیق مساحت معلومول او د استوګنیزو سیمو لپاره د تفصیلي پلان د ترتیب په موخه د اړتیا وړ تخنیکي او جغرافیایي معلوماتو راټولول دي.
د سروې او جي ای ایس ریاست تخنیکي ټیم به د ساحې د جغرافیایي وضعیت او ځمکنۍ ځانګړتیاوو له تثبیت وروسته، راټول شوي معلومات د اړوندو پلانونو د ترتیب لپاره وکاروي.
د دې بهیر په بشپړېدو سره به د ننګرهار ولایت د وړاندیز شوو استوګنیزو ساحو د منظمې پراختیا او د ښاري اصولو له مخې د راتلونکو پلانونو د برابرولو لپاره لازم تخنیکي بنسټ برابر شي.
