په مرکز کابل کې د سرې میاشتې ټولنې د مرکزي دفتر د ساحې د سروې او توپوکرافۍ چارې پیل شوې
۱۴۴۸/۳/۱۶
د کور او ښار جوړولو وزارت د سروې او جي ای اېس ریاست تخنیکي ټیم د یادې ساحې د دقیق مساحت معلومولو او د تفصیلي پلان د ترتیب په موخه، د سروې او توپوکرافۍ تخنیکي چارې پیل کړې.
د یادو چارو له بشپړېدو وروسته به د ترلاسه شویو تخنیکي معلوماتو پر بنسټ د ساحې تفصیلي پلان ترتیب او د راتلونکو ودانیزو او پراختیايي چارو لپاره به لازمه تخنیکي زمینه برابره شي.
د سروې او جي ایاېس ریاست د هېواد په بېلابېلو سیمو کې د سروې، نقشې جوړولو او ښاري پلان جوړولو په برخه کې تخنیکي خدمات وړاندې کوي او هڅه کوي د دقیقو معلوماتو پر بنسټ د معیاري ښاري پراختیا لپاره لازمې اسانتیاوې برابرې کړي.
