په فراه کې د کانونو آمریت د اداري ودانۍ او مېلمستون له جوړولو څخه تخنیکي څارنه وشوه
۱۴۴۸/۳/۸
د فراه ولایت د مرکز د شپږمې ناحیې په مربوطاتو کې د کانونو آمریت د اداري ودانۍ او مېلمستون د جوړولو پروژې له چارو څخه د فراه ولایت د کور او ښار جوړولو ریاست د تخنیکي ټیم له لوري تخنیکي څارنه ترسره شوه.
د څارنې پر مهال د پروژې د ساختماني چارو کیفیت، د کار د پرمختګ کچه او د تخنیکي معیارونو رعایت له نږدې وکتل شول، د ساحې د کتنې پر مهال څرګنده شوه چې د اداري ودانۍ د چت او لوړ رینګونو قالب بندي بشپړه شوې او د چت او رینګونو د سیخ تړلو چارې روانې دي.
همدارنګه د مېلمستون د ستنو جوړولو او د دېوالونو د خشتکارۍ چارې بشپړې شوې دي او د پروژې ټولیز فزیکي پرمختګ شاوخوا ۲۲ سلنه ته رسېدلی دی.
د تخنیکي څارنې پر مهال قراردادي شرکت ته لارښوونه وشوه چې ټول ساختماني فعالیتونه د منظور شوو تخنیکي نقشو، د کار د احجامو لېست او د قرارداد د شرایطو مطابق ترسره کړي او د کار په ټولو پړاوونو کې ټاکل شوي تخنیکي مشخصات او انجنیري معیارونه په پام کې ونیسي.
