په غور ولایت کې د یوې دیني پروژې چارې بشپړې او ګټې اخیستنې ته وسپارل شوه
ښار جوړولو او ځمکو وزارت د غور ولایت د لعل او سرجنګل ولسوالۍ په یخک کلي کې د یوه جومات ساختماني چارې بشپړې او ګټې اخستنې ته وسپاره.
دا جومات چې په یو وخت کې د ۳۴۰ کسانو ظرفیت لري په ۹۵۸ متر مربع ځمکه کې د ۱۹ میلیونه او ۲۰۰ زره افغانیو په ارزښت د ښار جوړولو او ځمکو وزارت په مالي مرسته جوړ شو. په دې پروژه کې دو مناره، د اوداسه یو مجهز ځای، د څښاک اوبو یوه څاه، د احاطې دیوال او د سپتیک څاه شامل دي.
د ویلو ده چې ښار جوړولو او ځمکو وزارت د هېواد په کچه د ټولګټو پروژو په تطبیق کې رغنده رول لري او دولتي او عامه ودانیو جوړول د دې وزارت له مهمو کاري لومړیتوبونو څخه ګڼل کیږي.
###
