په غزني کې د علي لالا صاحب د هلکانو لېسې له رغنیزو چارو څارنه وشوه
۱۴۴۷/۰۴/۱۴
د غزني ولایت د کور او ښار جوړولو ریاست تخنیکي ټیم د مرکز غزني اړوند د آرزو کلي په علي لالا صاحب هلکانو لېسه کې د رغنیزو چارو څخه لیدنه وکړه.
د غزني ولایت د کور او ښار جوړولو ریاست محترم رئیس مولوي نور ولی بلال متقی وویل، د یاد ښوونځي د ترمیم چارې د قراردادي شرکت تر نظر لاندې دي او د څارنې پر مهال ورته سپارښتنه وشوه چې ټول فعالیتونه باید د قرارداد د شرایطو او د جدول برآورد مطابق پرمخ یوسي.
هغه زیاته کړه چې د ښوونځي د ودانۍ ترمیماتي چارې د زده کوونکو د زده کړې د مناسب چاپېریال رامنځته کولو لپاره مهمې دي او د کارونو کیفیت به د تخنیکي ټیم له خوا دوامداره څارل کېږي.
