په غزني ولايت کې د بهسازۍ پلانونو د روانو چارو ارزونه وشوه
۱۴۴۷/۷/۲۸
د غزني ولايت د کور او ښار جوړولو رئيس د بهسازۍ ټيم له روانو فعاليتونو څخه له نږدې ليدنه وکړه او د چارو بهير يې وڅېړه.
نوموړي د کارونو د ښه تنظيم، شفافيت او پر وخت بشپړېدو په برخه کې اړينې لارښوونې وکړې.
ياد فعاليتونه د کور او ښار جوړولو وزارت د تخنيکي ټيم او د غزني ولايت د کور او ښار جوړولو رياست په همکارۍ په منظم ډول پر مخ روان دي.
دا مهال د پښتوناباد په سيمه کې د بهسازۍ پلانونو د چمتو کولو په موخه توپوګرافي سروې ترسره کېږي، تر څو د سيمې د واقعي وضعيت پر بنسټ معياري او دوامدار پلانونه ترتيب شي.
د دغو بهسازۍ پلانونو موخه د ښاري خدماتو ښه والی، د استوګنې چاپېريال تنظيم او د خلکو لپاره د بنسټيزو زيربناوو برابرول دي.
د کور او ښار جوړولو وزارت ټينګار کوي چې توپوګرافي سروې د تخنيکي اصولو له مخې او په بشپړ شفافيت ترسره کېږي، څو راتلونکې پرمختيايي پروژې د خلکو اړتياوو او غوښتنو ته اغېزمن ځواب ووايي.
