په سیداباد ولسوالۍ کې د مسجد شریف ودانیزې چارې وڅارل شوې
۱۴۴۷/۰۶/۰۶
د میدان وردګ ولایت د کور او ښار جوړولو ریاست محترم رئیس مولوي عبدالقیوم سیف العمر وایي چې د دې ریاست تخنیکي ټیم د سیداباد ولسوالۍ د مسجد شریف له ودانیوز چارو څارنه تر سره کړه.
ښاغلي مولوي سیف العمر وویل، د ښځینه مسجد د فرش ایزوګام بشپړ شوی او د برېښنا پایپونو چارې روانې دي، همدارنګه د نارینه مسجد د تشنابونو ایزوګام پای ته رسېدلی، د کړکیو او دروازو PVC چوکاټونه نصب شوي دي، د ګنبد ایزوګام بشپړه شوې او د ټولو چتونو له پاسه ایزوګام هم تکمیل شوی دی.
د نوموړي په خبره، د ملا امام د خونې د کړکیو د بهرني پلستر کار روان دی، د احاطوي دیوال فلزي پنجرې جوړېږي، د دیوال پایو خښتکاري بشپړه شوې او د ښځینه تشنابونو ایزوګام او PVC چوکاټونه هم نصب شوي دي، د اوبو رسونې او کانالیزاسیون کارونه ټول بشپړ شوي، او د سیپتیک څاه کیندنه هم ترسره شوې ده.
په سیداباد ولسوالۍ کې د مسجد رغونه د سیمې د دیني اړتیاوو د پوره کولو یوه مهمه پروژه ده.
د کور او ښار جوړولو ریاست تخنیکي ټیم د دې پروژې پر ټولو برخو په دوامداره توګه څارنه کوي، څو کارونه د انجینري معیارونو مطابق پر وخت او په لوړ کیفیت ترسره شي.
