په سمنګان کې د حوادثو د مدیریت ریاست د ودانۍ د جوړېدو کارونه ۸۵ سلنه بشپړ شوي
۱۴۴۷/۴/۲
د سمنګان ولایت د کور او ښار جوړولو ریاست محترم رئیس مولوي محمد امین نوري وایي، د دې ریاست اړوند تخنیکي ټیم د حوادثو د مدیریت ریاست د ودانۍ د جوړېدو له روانو چارو څخه د ولایتي ادارو د استازو په ملتیا لیدنه او څارنه وکړه.
ښاغلي مولوي نوري وویل، د لیدنې پر مهال څرګنده شوه چې د پروژې د ودانۍ اسکلیت د منظور شوې نقشې او احجامو سره سم تطبیق شوی.
د نوموړي په خبره، تر اوسه د پروژې شاوخوا ۸۵ سلنه چارې بشپړې شوې دي.
اوس مهال د دهلیزونو د فرش مرمرو نصب او د سپتیک د بشپړولو کارونه روان دي.
د سمنګان ولایت د حوادثو د مدیریت ریاست د ودانۍ پروژه د خلکو د خوندیتوب او د بیړنیو حالاتو د مدیریت د پیاوړتیا لپاره یوه مهمه ساختماني پروژه ده.
د کور او ښار جوړولو وزارت د کیفیت د تضمین په موخه په دوامداره توګه د پروژو د څارنې چارې پرمخ وړي او هڅه کوي چې ټولې پروژې د منظور شوو نقشو او انجینري معیارونو سره سمې بشپړې شي.
