په سرپل ولایت کې د ۳۳۵ متري سړک د جوړیدو چارې وڅارل شوې
۱۴۴۷/۰۵/۱۳
د سرپل ولایت د کور او ښار جوړولو ریاست محترم رئیس ملا محمد نور نوراني وایي، د دې ریاست اړوند تخنیکي ټیم د سانچارک ولسوالۍ د ښاروالۍ د مدیریت د وړاندیز او د مقام ولایت د حکم له مخې، د پراختیايي پروژو دڅارنې کمیټې د غړي په توګه د یادې ولسوالۍ د ۳۳۵ متري سړک د کانکریټ اچونې د پروژې د څارنې لپاره ټاکل شوی وو.
ښاغلي ملا نوراني وویل، نوموړی ټیم د سانچارک ولسوالۍ ته سفر وکړ او د سړک د جوړېدو چارې یې له نږدې وکتلې. د تخنیکي ټیم د معلوماتو له مخې، د سړک د کانکریټ اچونې چارې د نقشې او کاري بل مطابق تر ۷۰ سلنې پورې بشپړ شوي او کار په ساحه کې په عادي ډول روان دی.
د کور او ښار جوړولو وزارت د هېواد په بېلابېلو ولایتونو کې د سړکونو او بنسټیزو پروژو د پلي کېدو څارنه کوي، څو چارې د تخنیکي معیارونو سره سم ترسره شي او د خلکو د تګ راتګ اسانتیاوې زیاتې شي.
