په جوزجان ولایت کې د مخابراتو ریاست د پمپ خانې په ساحه د مدرسې د ودانولو له چارو څارنه ترسره شوه
۱۴۴۸/۲/۵
د جوزجان ولایت د کور او ښار جوړولو ریاست تخنیکي ټیم، د جوزجان ولایت د مخابراتو ریاست د پمپ خانې په ساحه کې د جوړېدونکې مدرسې د ودانیزو چارو تخنیکي څارنه ترسره کړه.
د څارنې پر مهال د پروژې د خښتو اېښودلو او قالب تړلو روانې چارې له نږدې وارزول شوې او د کار کیفیت یې د تخنیکي معیارونو له مخې وڅېړل شو.
همدارنګه، د قراردادي شرکت مسؤلینو ته لارښوونه وشوه چې د پروژې ټولې چارې د منظور شوې نقشې، د کاري حجمونو د اټکل، د تدارکاتي شرطپاڼې او نافذه انجنيري معیارونو سره سم پلې کړي.
د څارونکي انجنیر له لوري د پروژې د کیفیت د لا ښه والي، اغېزمنتیا او معیاري تطبیق په موخه اړینې تخنیکي سپارښتنې او لازمې لارښوونې هم وړاندې شوې.
