په جوزجان ولایت کې د مخابراتو ریاست اړوند د مدرسې د جوړولو له چارو څارنه وشوه
۱۴۴۷/۱۲/۱۷
د جوزجان ولایت د کور او ښار جوړولو ریاست تخنیکي انجینرانو د مخابراتو ریاست اړوند د پمپ خانې په ساحه کې د جوړېدونکې مدرسې له روانو ساختماني چارو څخه څارنه او لیدنه ترسره کړه.
د څارنې پر مهال د پروژې د سپلونو او رینګونو د کیندنې او تطبیق روان بهیر وارزول شو او د چارو د کیفیت، پرمختګ او معیاري تطبیق څخه نږدې څارنه ترسره شوه.
د پروژې د معیاري او اغېزمن تطبیق په موخه د قراردادي شرکت مسؤلینو ته لازمې سپارښتنې وشوې، ترڅو د مدرسې د جوړولو ټولې چارې د منظور شوې نقشې، د کاري حجمونو د اټکل، تدارکاتي شرطنامې او نافذه انجینري معیارونو له مخې پلې کړي.
همداراز، د کور او ښار جوړولو ریاست د څارنې مسؤلو انجینرانو د پروژې د کیفیت لوړولو او غوره تطبیق په موخه یو شمېر تخنیکي نظریات او سپارښتنې وړاندې کړې، ترڅو د ودانیزو چارو بهیر په معیاري او ټاکلي مهالویش سره بشپړ شي.
