په بلخ کې ۲۰۰ جریبه ځمکه استرداد شوه
ښارجوړولو او ځمکو وزارت د دولتي غصب شویو ځمکو د استرداد په لړ کې تازه په بلخ ولایت کې ۲۰۰ جریبه دولتي ځمکه استرداد کړه.
یاده ځمکه د بلخ ولایت په کلدار ولسوالۍ کې له څو کلنو را پدیخوا د سیمه اییزو زور واکو په اختیار کې وه او اوس مهال د ښارجوړلو او ځمکو وزارت له لوري له هغه د مناسبې استفادې لپاره زمینه مساعد شوې ده.
ښارجوړولو او ځمکو وزارت تر اوسه ۵۰۰ زره جریبه غصب شوې دولتي ځمکه استرداد کړې چې له دې اندازې یواځې ۱۵۷۴۴ جریبه دولتي ځمکه د بلخ ولایت په مربوطاتو کې استرداد شوې ده.
