پنجشېر ولایت کې د کور او ښار جوړولو ریاست اړوند بستونو ازموینه واخیستل شوه
۱۴۴۶/۰۶/۰۳
پنجشېر ولایت کې د کور او ښار جوړولو ریاست محترم رئیس انجنیر محمد فهیم نورزدا وایي، د (۱۴۰۳) تشکیل مطابق یې د ریاست اړوند دوه خالي بستونو ازموینه واخیسته.
ښاغلی انجنیر نورزدا وایي، کار وړ کسانو ته د سپارلو په موخه یې دوه بستونه د ازادو سیالیو له لارې اعلان ته ورکړي و، چې یو یې د برق انجنیر او بل هغه یې د ساختمان انجنیر و.
د نوموړي په خبره، یاده ازموینه کې (۲۲) کسانو برخه اخیستې وه، چې له ډلې یې دوه کسانو د لوړو نمرو په ترلاسه کولو بریالي شول، چې بستونه خپل کړي.
د کور او ښار جوړولو وزارت په پلازمېنه کابل او ولایتونو کې خالي بستونه د ازادو سیالیو له لارې اعلان ته ورکوي چې وړ او مستعد کسان ورته په داوطلب شکل ازموینه ورکړي.
