هلمند ولايت کې له ۱۱۰ زره جريبو څخه زياته دولتي ځمکه سروې او ثبت شوه
ښار جوړولو او ځمکو وزارت د دولتي ځمکو د سروې او ثبت پروګرام له پيل راهيسې په هلمند ولايت کې ۱۱۷۰۹۲ جريبه ځمکه او دولتي املاک سروې او ثبت کړي دي.
له دې ډلې څخه په ۸ قطعو کې ۱۰۹۶۱۰ جريبه سپينه دولتي ځمکه او په ۲۹ قطعو کې ۷۴۸۲ جريبه د دولت تر استفادې لاندې عامه ملکيتونه دي چې د دې ولايت په مرکز او بېلابېلو ولسواليو کې موقعيت لري.
د ښار جوړولو او ځمکو وزارت تر اوسه د هېواد په ۲۸ ولايتونو کې څه باندې ۴ مېلیونه ۶۰۰ زره جریبه ځمکه او دولتي املاک سروې، نقشه او ثبت کړي دي.
