هرات کې له څه د باندې دوه سوه کورونو جوړولو له چارو څارنه وشوه

19/6/1445

هرات کې د کور او ښار جوړولو رئیس عبدالله اکبري وایي، انجنیرانو یې د دغه ولایت په زنده جان ولسوالۍ کې د (۲۲۰) کورونو جوړولو له پروژې څارنه وکړه.

دغه کورونه د هرات ولایت په زنده جان ولسوالۍ کې د عزیزي خیریه بنسټ له لوري جوړېږي، چې د کور او ښار جوړولو وزارت اړوند ریاست یې څارنه او پالنه کوي.

ټاکل شوې چې یاد کورونه په هرات کې زلزله ځپلو کورنیو ته په وړیا توګه ووېشل شي.

هرات کې د کور او ښار جوړولو ریس ښاغلی عبدالله اکبري وایي، د یادو کورونو رغنیزې چارې تر ډېره بریده سرته رسېدلي، چې ځینې نورو باندې یې کار روان دی او د بشپړېدو په صورت کې به ګټې اخیستنې ته وسپارل شي.

نوموړی وایي، د مراقبت په مهال د کور او ښار جوړولو ریاست انجنیرانو ځینې نیمګړتیاوې په ګوته کړې چې د حل په موخه یې اړوندو مسؤلینو ته لازمې لارښوونې او سپارښتنې وشوې.

د کور او ښار جوړولو وزارت مسؤلیت لري، چې خپلو هېوادوالو ته کیفیت لرونکي او معیاري کورونه او ودانۍ رامنځته کړي او دغه برخه کې خپلو هڅو ته دوام ورکړی دی.

_____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/profile.php?id=100087195086592

نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.