هرات ولایت کې د حج، ارشاد او اوقاف وزارت او مسلخ ملکیتونه تثبیت شول
۱۴۴۳/۱۱/۱۳
د ښار جوړولو او ځمکو وزارت د هرات ریاست په دغه ولایت کې د حج، ارشاد او اوقاف وزارت (۹۰۰۰) نهه زره جریبه ځمکه تثبیت کړه.
د یادې ځمکې له ډلې (۵۰۰) جریبه ځمکه یې غاصبینو د تېر حکومت په مهال پلورلې ده.
دغه راز د هرات د ښار جوړولو او ځمکو ریاست د مسلخ (۱۲۱۰) یو زر، دوه سوه او لس جریبه ځمکه تثبیت کړه چې له جملې یې (۳۳۷) درې سوه او اووه دېرش جریبه ځمکه غاصبینو نیولې ده.
د یادولو ده چې د ښار جوړولو او ځمکو وزارت د دولتي ملکیتونو د تثبیت په هڅه کې دی او پلټنې یې یې پیل کړي چې دولتي ځمکې د غاصبینو له منګولو ازادې کړي.
